И оваа година, во Кинг ИЦТ беше прославен Girls in ICT day – светска иницијатива за поддршка на девојчињата и девојките во образованието, што служи како поттик за нив да продолжат со кариерата во светот на ИКТ. Свет во кој, за жал, жените сè уште се во малцинство.
Експертите од Кинг ИЦТ го споделија своето знаење со средношколките и ги охрабрија да ги препознаат можностите што ги нуди светот на ИКТ. Беше организиран панел и се одржаа работилници. Овогодинешната тема беше лидерство – како да се биде лидер во индустрија во која мажите се уште се побројни, што е светот на ИТ, со какви предизвици се соочиле – тоа и многу повеќе, нашите колеги го споделија со насобраните студенти.
Повратните информации од девојките беа одлични, и ние сме горди што ја продолжуваме оваа иницијатива!
