Агенцијата за комуникации и информации на НАТО (НЦИ) потпиша два договора за „Неограничена испорака, неограничено количество“ (Indefinite Delivery Indefinite Quantity” (IDIQ)) со КИНГ ИЦТ (Хрватска) и ИБМ Белгија, за обезбедување услуги за имплементација и конфигурација во областа на сајбер-безбедноста за целите на НАТО. Веста е објавена на официјалната веб-страница на Агенцијата НЦИ. službenim stranicama Agencije NCI.
Целта е да се забрзаат и оптимизираат процесите на имплементација на решенијата од сферата на сајбер-безбедност за целокупната структура на НАТО.
По јавниот тендер, на 12 декември 2022 година беше потпишан договорот за Рамка за услуги за сајбер-безбедност (Cyber Security Services Framework (CSSF)), а ќе стапи на сила на 1 февруари 2023 година. Доделениот договор има вкупен буџет од 30 милиони евра за сите носители на IDIQ во текот на договорниот период. Договорот вклучува период од две години и две опции за продолжување на една година.
Тоа значи дека во следните 2 години, компаниите КИНГ ИЦТ и ИБМ Белгија ќе бидат одговорни за задачи од висок приоритет и имплементација на најсовремените решенија за сајбер-безбедност за НАТО.
„Овие договори ѝ даваат на Агенцијата НЦИ флексибилност и можност за добивање брза поддршка од два доверливи добавувачи за инсталација и конфигурација на опрема за сајбер-безбедност кога нашите проекти го бараат тоа или кога ќе се појави итно барање за поддршка“, изјави Ребека Бенсон (Главен службеник за договори за сајбер-безбедност).
Проектот вклучува инсталации и конфигурации во сферата на сајбер-безбедноста за целите на НАТО, поддржувајќи ги услугите што моментално се обезбедуваат за НАТО од страна на нивниот Центар за сајбер-безбедност (НЦСЦ).
Овој вид на рамковни договори е значајна пресвртница и пример за примена на новата стратегија за „паметно склучување договори“ на Агенцијата, бидејќи му овозможува на НЦСЦ да се фокусира на своите основни мисии за одбрана на мрежите на НАТО и имплементација на нови, подобрени функционалности и услуги во сферата на сајбер-безбедноста.
„Договорот ќе му овозможи на НЦСЦ да извршува повеќе работи и да ја зајакне својата позиција за поддршка на многу амбициозната агенда на НАТО за 2030 година. Овој пристап е одлична илустрација на новата стратегија за „паметно склучување договори“ имплементирана од Агенцијата НЦИ со цел најефективно користење на своите ресурси за да се постигне оперативна извршност и да се оптимизираат испораките низ НАТО“, рече Фредрик Џордан (Раководител на огранокот за испорака на програмата за сајбер-безбедност во Центарот за сајбер-безбедност на НАТО).
Од КИНГ ИЦТ велат: „Горди сме на нашите експерти и почестени сме од големата доверба што ни ја дава Агенцијата НЦИ. Ова е уште еден показател дека КИНГ ИЦТ направи голем чекор на западниот пазар и дека хрватските експерти секако можат да бидат рамноправни во меѓународната конкуренција, опкружени со најголемите светски ИТ компании. Континуирано ќе работиме да ја оправдаме дадената доверба.“
