Преку одлична соработка со Агенцијата за комуникации и информации на НАТО (Агенција НЦИ) и партнерите, КИНГ ИЦТ успешно го реализира најголемиот меѓународен проект досега и тоа во областа на сајбер-безбедноста. Во полн обем, во рамките на буџетот и пред предвидениот рок!
На проектот работеа повеќе од 40 експерти, а основната вредност на договорот е 7,8 милиони евра.
Проектот опфати испорака и имплементација на напредни SIEM решенија од областа на сајбер-безбедноста со комплетна најсовремена ИТ инфраструктура. Како и сите големи НАТО проекти и овој бараше многу високо ниво на експертиза и ангажман во области, како што се: проектен менаџмент, имплементација и управување со сите аспекти на квалитет, логистика, поддршка, сложено тестирање и пренос на знаења.
Работењето во високо безбедна и регулирана средина, со отежнувачки околности и под рестрикции предизвикани од пандемијата на КОВИД-19, беше посебен предизвик, но од КИНГ ИЦТ велат дека токму тоа го прави успехот на овој проект уште подраг и ги поттикнува за идна соработка со Агенцијата НЦИ и другите корисници на западноевропскиот пазар.
Агенцијата НЦИ во своето официјално соопштение посочува дека испорачаниот SIEM систем значително ќе го подигне нивото на безбедност на организацијата и ќе придонесе за заштита на критичните податоци и комуникацискиот систем. Безбедносните аналитичари на НАТО сега можат многу побрзо и поквалитетно да детектираат што се случува во мрежата на НАТО. Системот се заснова на моќна и робусна инфраструктура со голем капацитет, овозможувајќи анализа и корелација на многу голема количина податоци со навремена детекција.
SIEM решението е клучен систем за успешна одбрана од сајбер напади и ќе се користи како дел од услугите што Центарот за сајбер-безбедност на НАТО во рамките на Агенцијата НЦИА ги доставува до НАТО сојузот.
Агенцијата НЦИ особено го пофали проектниот тим кој, како што велат: „ја постави границата многу високо“, што е голема пофалба и потврда за посветеноста, професионалноста и мотивираноста на членовите на тимот.
„Се надеваме и веруваме дека овој успех дополнително ќе ги инспирира компаниите и експертите од нашата индустрија за ИТ и сајбер-безбедност да покажат колку вредат и колку можат да направат во светот, а со седиште во Хрватска.
Голема благодарност и почит до сите кои придонесоа за овој успех и се вградија во темелите на понатамошниот раст и развој на КИНГ ИЦТ и признанието на хрватските компании и експерти во светот.“ велат од КИНГ ИЦТ.
Објавата на Агенцијата НЦИ можете да ја најдете на нивната официјална веб-страница:
ВИДИ ЈА СТАТИЈАТА НА АНГЛИСКИ ЈАЗИК –> https://king-ict.com/king-ict-successfully-delivers-siem-project-for-nato-agency/
